dimanche 12 juin 2016

Quelli chì scrivenu a Storia


Una nuvella di Pierre Savalli

A Storia a scrivenu quelli chì vincenu.

Ùn so micca mortu nentru à stu bunker. Era tuttu previstu. Circunstenze scure, vistighe poche è testimoni micca. Svanitu. À tutti l’accumudava cusì.

Lasciu sti filari oghje, 40 anni è più dopu à a mo morte officiale (è qualchì ghjornu prima di a vera) ma sò ch’elli si fermeranu muti, u travagliu hè statu fattu bè. Quandu chì i servizii sicreti americani decisenu di ripatriammi, avianu di sicuru previstu sta pussibilità, è stu missagiu finiscerà à u megliu ind’è u cumbugliu di e pazzie cuspiraziuniste. Lagu sta lettera chì sò cunvintu chì l’umanità n’hà per pocu, un seculu o dui à rompe i chjerchji, è à l’entre di u sprufondu, spergu chì l’ultimi omi a ci feranu à leghje a storia, quella di i fatti è micca di i dommi. Stu missagiu hè ghjuntu à voi, pigliatelu per ciò ch’ellu hè, u mo impussibile tistamentu. 

Si n’hè intesu tantu è più nant’à mè. Qualchì verità, assai spripositi. Seraghju un scemu ? Un geniu ? Ignurante, artistu, debbule ? Sò rispunsevule di guasi 50 millioni di morti, senza cuntà i feriti, infermi, inghjuliati, straziati, orfani… Ci serà bisognu d’aghjustanne ? Ùn cercu micca a vostra cumpassione. Ùn aghju chè disprezzu per l’Umanu, tenitevi puru a vostra simpatia. Ma ùn sò micca una caricatura.

Aghju fattu di i ghjudei u centru di u mo odiu, ma era solu una storia di pulitica. D’elli mi ne infuttu quant’è di l’atri omi. I ghjudei cristallizavanu tanti timori, fantasimi è rabbie ch’ella fubbe faciule di fà aderisce à u mo prugettu i populi è l’elite Europeani. Propiu faciule. Oghje u mo nome ghjova di rifugiu à l’orrori di u seculu. Un omu per purtà a so croce. A croce di i populi avviliti d’Europa.

M’anu sceltu per zazzellu. L’accettu. A vegu quant’elli sò cuntenti di sciaccammi tuttu l’odiu di l’omi à collu, st’odiu ch’elli ùn ponu assume, st’odiu ch’elli piattanu daretu à sta schjavitù cunsumerista, daretu à ste belle idee mundialiste chì portanu i ricchi à arrichiscesi è i poveri à impuveriscesi. S’inciaccanu l’unu incù l’altru à colpi di guerre cummerciali, di spurtazioni, di munete, d’azzioni in borsa. Millioni è millioni di morti, milliarde forse dipoi 40 anni, zitelli chì morenu di fame à millaie ogni ghjornu, u cholerà è a malaria più putenti chè u mo Zyklon B, cumbugli è scempii climatichi liati à una puluzione strema chì toccanu una volta di più à quelli ch’ùn anu nunda.

Parlà di u sterminu di i ghjudei cum’è d’un detagliu hè propiu ridiculu è stupidu. Aghju pensatu à tuttu è a mo cuntabilità era murtalamente precisa. A meccanica sterminatrice era à u puntu, ùn si pò parlà di « detagliu », a misura di u scempiu và sempre à oghje al dilà di tutte e mo sperenze. L’umanità si sdrughje da per ella, ma si cerca rispunsevuli fora d’ella, mostri, culpevuli chì poschinu salvà a so cuscenza. Ghjente cum’è mè.

Di sicuru, mi puderete dì chì a mo dimarchja era chjara è acertata, vuluntare, aghjustata. A premiditazione impeghjurisce u fenomenu. Capita. Aghju scupertu e mo carte. Oghje si ghjoca à l’appiattu. Ch’averemu da ritene, i mezi o a fine ? Vulia sterminà i ghjudei, tempu fatta a m’averebbi cacciata cù un altru populu, eppo un altru, senza fine, sin’à à l’ultimu. Ma ùn aghju avutu a Bomba. Sò fiascatu. Chì ci vulerebbi à pensà di stu mondu chì dice vulè benistà è libertà per i populi è chì i porta à a ruvina ? Povera razza umana. A sola ch’o disprezzu hè questa quì.

Mi ne vò felice è sullevatu chì l’opera ch’ùn aghju pussutu compie trova oghje a so fine cù l’accettazione passiva di e masse. Ùn ci hè bisognu di circà à persunificà l’orrore, u Diavule o Adolph Hitler ùn sò chè dui sinonimi per chjamà l’omu. 

A.H.

7 commentaires:

  1. Avà sì chì simu lecchi... ! Nuvella o Rialità ? In ogni casu hè putente è dà da riflette sta nuvella...
    Grazie tante à u s'autore è bellìssima ghjurnata à tutti
    Di core Carulina

    RépondreSupprimer
  2. Sughjettu è paragone diffìciuli... Bravu per stu testu !
    Eppo, bravu per stu corsu ! Stu bellìssimu corsu...

    RépondreSupprimer
  3. Sì vo vuleti ringrazià pà u corsu aprudatu quì, vi tocca à fà cennu à Fabien Raffalli. L'autori è u traduttori, tutt'è dui membri di u cumitatu di T&T, ani travaddatu dendusi a mani pà 'ssu testu.

    RépondreSupprimer
  4. Bravi à tutt'i dui allora !
    St'unione viaghja d'incantu !
    Tanti ringrazii !

    RépondreSupprimer
  5. Forse avete bisognu di A Loan ??

    Bonghjornu,

    My name is Mr Fred. Iu sugnu un rang privatu chì dà fora sui a ghjenti è striscia. Vinisti a statu vutau falà da
    tantis banche? Hai bisognu di i Finanzi di stabiliri i vostri
    los? Hai bisognu di i Finanzi di u sviluppu di voi
    los? O ùn vi tuccherà à sui parsunali? I mo sui
    cancia. da persunali à sui affare. I mo interessu
    ragione hè assai Cosi. 3%, è omancu 50,000.00 € à u massimu di € 500,000,000,000.00 €, a nostra dimarchja sui hè assai viloci
    ancu. Sugnu assai vuluntà di fari tuttu u vostru finanziarii
    troubles na cosa di lu passatu. S'è tù sì veru pronti à
    ch'è i vostri prublemi finanziarii solving, Poi circà micca
    prumove è dumandà un sui oghje Email Via:
    (Fredlarryloanfirm@gmail.com). I taliari avanti a pràtica
    los cun voi.

    Mr Fred DUVAL
    CEO.

    RépondreSupprimer
  6. Forse avete bisognu di A Loan ??

    Bonghjornu,

    My name is Mr Fred. Iu sugnu un rang privatu chì dà fora sui a ghjenti è striscia. Vinisti a statu vutau falà da
    tantis banche? Hai bisognu di i Finanzi di stabiliri i vostri
    los? Hai bisognu di i Finanzi di u sviluppu di voi
    los? O ùn vi tuccherà à sui parsunali? I mo sui
    cancia. da persunali à sui affare. I mo interessu
    ragione hè assai Cosi. 3%, è omancu 50,000.00 € à u massimu di € 500,000,000,000.00 €, a nostra dimarchja sui hè assai viloci
    ancu. Sugnu assai vuluntà di fari tuttu u vostru finanziarii
    troubles na cosa di lu passatu. S'è tù sì veru pronti à
    ch'è i vostri prublemi finanziarii solving, Poi circà micca
    prumove è dumandà un sui oghje Email Via:
    (Fredlarryloanfirm@gmail.com). I taliari avanti a pràtica
    los cun voi.

    Mr Fred DUVAL
    CEO.

    RépondreSupprimer
  7. Customers who desperately need financial help. The issue of credit and collateral is something that customers are always worried about when looking for a loan from private lenders. The Sumiti Lending home Pvt is already recognized by the council's lender to give loans to local and international customers at 2% interest. Contact us via (Whats App) number:+917310847059 contact email id : sumitihomelend@gmail.com
    Mr. Sumiti

    RépondreSupprimer