Dipoi quattru anni, u bloggu Tonu è
Timpesta viaghja a so strada par fà viva è cunnoscia a criazioni literaria in
lingua corsa.
È com’è tutti l’anni, l’ora hè vinuta di
rilancià u Premiu Timpesta, quartu di u nomu, è di dumandavvi i vosci
cuntribuzioni.
I testi sò dunqua da invià annant’à i
missaghjarii privati di Facebook di i membri di u Cumitatu :
Pierre Savalli
Menuiserie Antonetti Venzolasca
Fabien Raffalli
Jean-Yves Acquaviva
Stefanu Cesari
Jean-François Rosecchi (par chì cunnosci
u pseudò)
Marc Biancarelli (listessi …)
I reguli sò i siguenti :
L’ultimi scritti (racontu o nuvella)
devini parvena à u Cumitatu nanzi à u 15 d’aprili 2019.
Nisciun' testu devi varcà i 7000
carattari.
A tematica hè libara.
Una ghjuria sarà custituita pà
attribuiscia ‘ssu premiu, ch’ùn cuncirnarà chè una selezzioni di 10 testi.
Ci sarà dinò, com’è tutti l’anni, un
Premiu Spiciali di u Cumitatu.
È ben sicura un Premiu di i Littori chì
cuncirnarà, quistu quì, tutti i testi pruposti.
Ben sicura i membri di a Ghjuria ùn
pudarani participà à u Premiu Timpesta.
Amicizia à tutti.
Aucun commentaire:
Enregistrer un commentaire