Tonu è Timpesta : u libru !

Dopu à parichji annati d’impegnu di a squatra ridazziunali, è parichji mesa d’un travaddu accanitu è ditarminatu, ecculu ghjuntu infini, stu libru chì cunsacra a noscia assuciazioni in casa d’edizioni ! Una ricolta di 24 testi d’autori di u bloggu Tonu è Timpesta, prisintata sutt’à una forma bislingua, è prestu dispunibuli ind’è i librarii i più boni è i più astutti di l’isula ! U lanciamentu ufficiali, cù unu scontru cù u publicu è una signatura, si farà u 27 di ghjunghju in Bastia, à 18 ori à a libraria A Piuma Lesta. I 7 guerrieri di u cumitatu edituriali ci sarani accumpagnati da monda autori, è insembu faremu schiattà più chè mai i fulmini è i saetti d’una timpesta literaria ! Viniti numarosi.