Premiu Timpesta 2016

Primu Premiu Timpesta di a nuvella in corsu

U Cumitatu di Ridazzioni di T&T hà dicisu di rimetta un primu Premiu Timpesta, di a nuvella in lingua corsa, à un testu publicatu quist’annu annant’à u nosciu bloggu. A selezzioni pruposta cuncerna tutti l’autori chì ani participatu da uttrovi 2015 à maghju 2016. Hè statu sceltu un testu par omu (quissu chì hè statu u più lettu quandu c’era parichji testi).

U votu : sò l’internoti chì votani. Par quissa vi ci voli à mandà un « missaghju privatu » annant’à a pagina facebook di T&T, classifichendu trè testi da 1 à 3. Sarani dati 3 punta pà una prima piazza, 2 punta pà una siconda piazza è un puntu pà una terza piazza. Ugnunu pò vutà, ancu i membri di u cumitatu di ridazzioni o l’autori in cumpitizioni, ma nimu t’hà u drittu di vutà par sè stessu. Ùn si pò vutà chè una volta, è i vota di i fake micca idintificati ùn sarani presi in contu.

À vincia ci sarà a gloria, un truffeu, uni pochi di libra arrigalati da a libraria Les Deux Mondes, è un ripastu cù u cumitatu di T&T è i so amici. Si pò vutà sin’à u 15 di luddu. 

À rimissa di u premiu si farà à a libraria Les Deux Mondes dopu à a pruclamazioni di i vincidori.

Lista pà u Premiu Timpesta 2016 di a nuvella in lingua corsa

Jean-Yves Acquaviva, De Profundis

Marianghjula Agostini, Via Crucis

Jo Antonetti, Sottumissione

Marcu Biancarelli, U sembiu di a bestia

Marie Ferranti, U magna bugiartule

Jérôme Ferrari, A notti di u dubbitu

Fabien Flori, i Stracciaghji di u Cairo

Paulu Franceschi, U geniu

Philippe Guerrini, Saetta !

Angelina Lucchini, Un viaghjadori

Kévin Petroni, Nathanaël

Fabien Raffalli, American Progress

Jean-François Rosecchi, Ludwig

Pierre-Laurent Santelli, Dadaab 

Pierre Savalli, A pace

Emmanuelle Valli, Paci è saluta à tutti i cristiani

Carole Zalberg, L’invinzione di a pace